Turm

Moderatoren: Ti-Scheff's, Moderatorencrew


AbonnentenAbonnenten: 0
LesezeichenLesezeichen: 0
Zugriffe: 1038

Turm

Beitrag#1von Potche Toni » Sonntag 18. Januar 2009, 19:55

Servus Schwoweweiwer un -männer!

Ich hun in dem Forum do schun länger mol versucht, die Musik mi'me Gebäude zuvergleiche: Fundament, Iwerbau un Turm.

Mer war schun klor, dass ich beim Turm norr iwer e Profiorchester mi'me klangvolle Nome schreiwe werr kenne. Dass es jetz awwer grad DieEgerländer Musikanten mit ehre ville Banater-Schwowe-Musiker sin, war meh e Zufall wie Absicht.

Mei Fraa hot sich was im Media Markt ghaaft un ich hun mich bei der Gelegenheit in der Musikabteilung umgschaut. "Volksmusik-Stars singen Blasmusik-Hits". Normalerweise iwersiehn ich so e CD. Uf der war awwer aah e Bild vun Ernst Hutter & Die Egerländer Musikanten. Genauer Hinschaue war also forr mich Pflicht. Do schau her: Markus Wolfahrt, Norbert Rier, Oswald Sattler, Mara Kayser, Monika Martin, Ursprung Buam, Marc Picher, Die Stoakogler, Hubert Trenkwalder, Zellberg Buam, un Marianne & Michael singe uf die Musik vun de Egerländer Musikante.

Bild

17,99 € hot mei Finanzministerin an der Kasse meh gezahlt, wie sie sich vorgholl hatt ghat, un mich dabei ongschaut wie e Dunnerwedder mit vill Blitze. Mer war des Wurscht. Die Vorfraad uf die Egerländer war groß genuch, dass ich des ausghall hun.

De Hoom is dann wirklich aus meiner Vorfraad e iwerraschendes ... Laad wor.

Die Egerländer Musikante hun aah die CD mit altbewährter Perfektion ingspillt. Was die "Stars" awwer zum Teil - net all- do abgeliwert hun, is himmelschreiend. Des is e Vehöhnung vun der Egerländer Blasmusik. Schlechti Artikulation, schlecht zammgstellte Stimme un oft zum böhmische Klangbild passend wie die Faust uff's Aue.


Mein Gott! Wie gut, dass de Altmeister des nemmi erlewe hot misse. Wie kann merr sich musikalisch norr so prostitueere? E Bläsergruppe höchster Güte, die wu bei aller heit verfügbarer Tontechnik noch immer live ehre Einzigartigkeit vun Konzert zu Konzert unner Beweis stellt, losst sich mit Play-Back-Musikante in un versucht so, i'me Musikgenre Fans zu gewinne, des (es Genre) seiner unwürdig is. Un do muss aah der riesich Patzer uf'm Booklet-Deckl erwähnt werre: Des sin nämlich ka Volksmusikstars, die wu do singe, sondern Stars der volkstümlichen Musik, Showgschäftmusikante, die wu mit urwüchsiger Volksmusik nicks, awwer aah gar nicks zu ton hun. Des is e Unnerschied vun Himmel un Erd.


Ich kann noch so vill schaue. Der Turm uf meim Musikbau is schief. Irgendwie muss der wedder grad werre. Ich kennt mer vorstelle, dass ich bei oom vun de nächste Egerländer-Konzerte im Saal sitze werr, Finanzkrise hin odder her. Un mei Finanzministerin waaß heit schun, dass ich's ohne originelli, unverfälschti Egerländer-Livemusik nemmi lang aushalle werr, dass sie mei dauerndi Grandlerei norr in de Griff kriet, wann se e Finanzspritz forr e Egerländer-Konzert locker macht.

Was zockersichtiche Banker zusteht, kann jo wohl e egerländersichticher un zurzeit schwer gedemütigter Schwob aah infordre.

Adje saat Eich de Potche Toni
Bild
Potche Toni
Kann schun a pissl mehr
Kann schun a pissl mehr
Beiträge: 48
Registriert: 09.2014
Barvermögen: 50,00 Points
Geschlecht: nicht angegeben

Beitrag#2von norbert » Sonntag 18. Januar 2009, 20:06

Also dei Kritik ist noch beser wie meine !
Ich hoffe das der Horst des zu de Egerländer rein tut damit mer nicht zu viele Egerländer Seite han.....................

Das dei Finanzminister dir die 17,99 gewe hat...........hat jo a sei grund...............wenn do die Stumpiche mitspiele muss mer die als echte Stumpiche oder Johrmarker jo kaafe..........

An alle Johrmarker bitte kaaft die CD........De Toni will se nur für sich alleine darum die schlechte Kritik................... :Bäää 1:
Freude schencken
Benutzeravatar
norbert
Is a Schwob
Is a Schwob
Beiträge: 4881
Registriert: 02.2007
Barvermögen: 0,00 Points
Wohnort: Blumenthal/Brukenau
Geschlecht: nicht angegeben

Beitrag#3von Potche Toni » Sonntag 18. Januar 2009, 20:49

Servus Polkakenich!

1. Nateerlich hun ich vun Der ka annre Kommentar erwart.
2. Des jetz awwer im Ernst: Ich kaaf mer wirklich die CDs vun meiner Lieblingskapell im Gschäft, weil ich moon, dass die Existenz vun der Kapell aah davun abhängt, dass die Scheiwe verkaaft werre. Geld regeert nun mol die Welt - aah in der Musik.
3. Weil Du die Egerländer-Seit erwähnt host: Ich hun dort jetz nomol nogschaut un meecht aah geere mei Stimm dort abgewwe. Irgendwie kumm ich awwer net dahinner, wie des funktioneert.
Merr werd halt alt un tappich.

Adje
:G_HAND~1:
Potche Toni
Kann schun a pissl mehr
Kann schun a pissl mehr
Beiträge: 48
Registriert: 09.2014
Barvermögen: 50,00 Points
Geschlecht: nicht angegeben

Beitrag#4von norbert » Sonntag 18. Januar 2009, 21:15

Ich muss lache...........so ist es, ehmol Johrmark immer Johrmark

Des mit dem abstimme ist doch gans oben auf der ersten Seite.....muss mol schaun
Freude schencken
Benutzeravatar
norbert
Is a Schwob
Is a Schwob
Beiträge: 4881
Registriert: 02.2007
Barvermögen: 0,00 Points
Wohnort: Blumenthal/Brukenau
Geschlecht: nicht angegeben


web tracker